WordPad යෙදුම Windows තුළින් ඉවත් කෙරේ

Microsoft සමාගම ඔවුන්ගේ Windows 11 24H2 සංස්කරණයෙන් WordPad යෙදුම නිල වශයෙන් ඉවත් කිරීමට තීරණය කර ඇත. 1995 සිට Windows හි default Word processing මෙවලම වූ මෙම WordPad මෘදුකාංගය, මේ අනුව ඉදිරියේදී Windows මෙහෙයුම් පද්ධතිය තුළින් දැකගැනීමට නොහැකි වනු ඇත.WordPad යනු ඉතා සරල ලේඛන සංස්කරණය කිරීමේ මෙවලමක් වූ අතර එය ඉවත් කිරීම මගින් නවීන සහ බහුලව භාවිතා කරන ලේඛන සංස්කරණය කිරීමට හැකි Microsoft Word වැනි යෙදුම්වලට තම පරිශීලකයන් යොමු කරවීම Microsoft සමාගමේ බලාපොරොත්තුවයි.

මේ වන විටත් Windows 11 තුළින් Cortana, Internet Explorer, Paint 3D, 3D Viewer සහ Math Input Panel වැනි මෘදුකාංග කීපයක්ම ඉවත් කර ඇති අතර, මේවා ඉවත් කිරීමට ප්‍රභල හේතු ලෙස පරිශීලකයන් ඒවා භාවිතා නොකිරීම , අලුත් ආදේශක බිහිවීම , Windows මෙහෙයුම් පද්ධතිය සරල කිරීමේ අවශ්‍යතාවය සහ Online මෘදුකාංග භාවිතයට පරිශීලිකයන් දිරිමත් කිරීම වැනි කරුණු පෙන්වා දිය හැක.