Meta සමාගම දැන් ඔවුන්ගේ Horizon Worlds වෙබ් පරිශීලකයන් සහ දුරකතන සදහා නිකුත් කරන්න සූදානම් වෙනව. එයට සමගාමීව නිකුත් කරන පලමු ක්‍රීඩාව Super Rumble බව මෙටා සමාගම මේ වනවිට නිවේදනය කර තිබෙනව.
මෙම ක්‍රීඩාව දැනට කුඩා පරිශීලක පිරිසකට Meta Quest ඇප් එක හරහා ක්‍රීඩා කිරීමෙ හැකියාව තිබෙනව. ඒවගේම ඉදිරි සති කිහිපයෙදි මෙය iOS සදහාත් නිකුත් වෙනව. Horizon’s official website එක හරහා පරිගණකයෙන් මෙය ක්‍රීඩා කිරීමට අවශ්‍ය ක්‍රීඩකයන්ට access ලබාගැනීමට ඉල්ලුම් කරන්න පුලුවන්.
මෙම Super Rumble ක්‍රීඩාව cross-platform සදහාත් සහය දක්වන බව මෙටා සමාගම පවසා තිබෙනව. එබැවින් ක්‍රීඩකයන්ට mobile, web හෝ VR headset හරහා සම්බන්ධ වී ක්‍රීඩා කරන්න පුලුවන්. මීට අමතරව තවත් අලුත් worlds කිහිපයක්ම ඉදිරි මාස වලදි Horizon Worlds සදහා නිකුත් කරන බව මෙටා සමාගම වැඩිදුරටත් පවසා තිබෙනව.
සෑම උපාංගයකටම වෙනස් අතුරු මුහුණතක් ඇති නිසා, ජංගම උපාංග සහ පරිගණකය සඳහා mute සහ pause වැනි ක්‍රීඩාවේ පාලන optimize කිරීමට Meta හට සිදු වී තිබෙනව.
මෙහි platforms අතර ඇති අත්දැකීම් එකිනෙකට වෙනස් වන්නේ කෙසේද යන්න පැහැදිලි නැහැ, නමුත් ජංගම සහ web Super Rumble තවමත් පරීක්ෂණ අදියරේ පවතින්නෙ. එබැවින් ක්‍රීඩකයින්ට දෝෂ සහ වෙනත් ගැටළු වලට දැනට මුහුණ දීමට සිදුවෙන්න පුලුවන්.
Leave a comment