Epic Games සමාගමෙන් iOS වලට App Store එකක්

Epic Games සමාගම ඔවුන්ගේම app store එකක් දැන් නිකුත් කර තිබෙනවා. ඒ Apple සමාගමේ iOS app store එකට තරගයක් දීම සදහායි.European Union එක තුල Apple සමාගමේ සහ Epic Games සමාගමෙ ගැටුම බොහෝ කලක් පැවතුනා. Epic Games සමාගම Apple සමාගමෙ app store policies වලට එකග නොවන බව ප්‍රකාශ කිරීමත් සමග මෙම තත්වය පැනනැගුනා.

Epic Games store එකට පිවිසෙන්න Android පරිශීලකයන්ටත් පුලුවන්. මෙම store එක ඔවුන් දියත් කරන්නෙ ප්‍රධාන වශයෙන් ඔවුන්ගේ ක්‍රීඩා වන Fortnite, Rocket League Sideswipe සහ Fall Guys ඇතුලත්වයි. ඒ වගේම වෙනත් ක්‍රීඩා මෙයට එක්කිරීමට ඔවුන් දැන් වෙනත් පරිගණක ක්‍රීඩා සංවර්ධකයන් සමග එක්ව කටයුතු කරමින් සිටින බව වාර්තා වෙනවා.

ඒවගේම පසුකාලීන Epic Games සමාගමේ ක්‍රීඩා iOS වලට තිබෙන Aptoide app store එකටත් Android සදහා තිබෙන ONE Store එකටත් එක්කරන බව සදහන් කර තිබෙනවා.

European Union එකේ Digital Market Act. නම් නීතී සංග්‍රහය නිසා Apple සමාගමට වෙනත් තරගකාරී සංවර්ධකයන්ට නැගී සිටීමට අවස්තාවක් දීමට සිදුවෙනවා. ඒ හේතුව නිසා වසර හතරකට පසුව Fortnite ක්‍රීඩාව නැවතත් app store එකට එක්කර තිබෙනවා. මෙය Epic Games සමාගම මීටපෙර ඉවත් කරගනු ලැබුවේ සමාගම් දෙක අතර තිබුනු නීතිමය ගැටලු නිසයි.

මේ වනවිට Epic Games සමාගම Epic Games store එක iOS සහ Android දුරකතන වලට install කරගන්න ආකාරය දැක්වෙන guide වීඩියො දැන් නිකුත් කර තිබෙනවා.