මෑත කාලයේ සිදුවූ විශාලතම විදුලි ගාස්තු වැඩි කිරීමත් සමගම 2022 අගෝස්තු අවසානයේ සිට විදුලි බිල ගණනය වන හැටි ගැන තමයි මේ විස්තර කරන්නෙ. මේ හරහා ඔයාගේ විදුලි බිලත් හරියටම ගණනය කරගන්න ඔයාටම පුළුවන් වෙනව. එහෙමනම් පරණ විදුලි බිල් කීපයක් අරගෙන ඒ ඒකක ගණනටම අළුතින් බිල හැදෙන හැටි ගැන බලමු.
ඉහත තියෙන්නෙ නව විදුලි මිල එක් එක් භාවිතාවන කාණ්ඩය අනුව මිළ තීරණය වන ආකාරයයි. මෙතනදි දක්වල තියෙන්නෙ
- ඒකක 0 – 30 අතර නම්එක් ඒකකයක් රු 8ක් විදිහට ගණනය වීමක්. එයට රු 120ක් ස්ථාවර ගාස්තු ලෙස එක් වෙනව.
- ඒකක 50ක් පාවිච්චි උනොත් පළමු ඒකක 30ට රු 8 ගානෙත් ඉතිරියට රු 10 ගානෙත් ගණනය වෙනව. එයට රු 240ක් ස්ථාවර ගාස්තු ලෙස එක් වෙනව.
- ඒකක 60 – 90 නම් – ඒ කියන්නෙ ඒකක 60න් ඉහල පාවිච්චි උනොත් – අපි හිතමු ඒකක 70ක් කියල – එහෙමනම් ඒකක 90 වෙනකම් රු 16 බැගින් ගණනය වෙනව.
- ඒකක 110ක් පාවිච්චි වෙනව නම් පළමු ඒකක 90 රු 16 ගණනෙත් ඉතිරි ඒකක 20 රු 50 බැගිනුත් ගණනය වෙනව. එයට රු 960ක් ස්ථාවර ගාස්තු ලෙස එක් වෙනව.
එහෙමනම් උදාහරණයක් විදිහට
ඒකක 175ක් පාවිච්චි කලොත් එන විදුලි බිල පහත ආකාරයට ගණනය කරන්න පුළුවන්
| පළමු ඒකක 90 – රු 16 x 90 | රු 1440 |
| ඉතිරි ඒකක 85 – රු 50 x 85 | රු 4250 |
| ස්ථාවර ගාස්තුව 91 – 180 අතර | රු 960 |
| එකතුව | රු 6650 |
ඒකක 250ක් පාවිච්චි වෙනවනම්
| පළමු ඒකක 90 – රු 16 x 90 | රු 1440 |
| දෙවෙනි ඒකක 90 – රු 50 x 90 | රු 4500 |
| ඉතිරි ඒකක 70 – රු 75 x 70 | රු 5250 |
| ස්ථාවර ගාස්තුව 180ට ඉහල | රු 1500 |
| එකතුව | රු 12690 |
මෙන්න මේ විදිහට ඔයාගෙ නිවසෙත් පාවිච්චි වෙන සාමාන්ය ඒකක ගණන අනුව අළුත් විදුලි බිල ගණනය කරගන්න පුළුවන්.
Leave a comment