4K BluRay disc Player සදහා ලෝක ප්‍රකට SAMSUNG සමාගම මින් පසු Blu-Ray Players නිෂ්පාදනය නොකරන බවට ඉගියක් පසුගියදා ලබාදුන්නා. ඒ ඇමරිකානු වෙළදපොලේ තමන් මින් ඉදිරියට Blu-Ray disc Players විකිණීම නවතා දමන බව දැනුම් දීමත් සමගයි.

2019 පළමු කාර්තුවේ මේ නිවේදනයත් සමගම දැනටත් ජනප්‍රිය Blu-Ray disc player මාදිලි කිහිපයක්ම නිෂ්පාදනය කරන SAMSUNG සමාගම 4K සහ 1080p Disc players නිෂ්පාදනයෙන් ඉවත් වෙනවා.2017 වසරේ පළමු වරට 4K disc players හදුන්වා දුන් SAMSUNG සමාගම 2018දී කිසිදු අලුත් 4K disc Player එකක් හදුන්වා දුන්නේ නැහැ.

මෙම තීරණයට ප්‍රධානතම හේතුව වන්නේ ඉතාමත් වේගයෙන් ජනප්‍රිය වන Video Streaming සේවාවන් බවට සංඛ්‍යා ලේකන වලින් පෙනී යන බවයි මේ පිළිබද අධ්‍යනය කරන සමාගම් පෙන්වාදෙන්නේ. මීට කලකට ඉහතදී Floppy Disc වලට සිදු වූ දෙයම මේ වන විට Disc Players වලටත් සිදුවෙමින් පවතින බවට මෙය හොද උදාහරණයක්.

Computer Shop ගැන ඔයාගෙ අත්දැකීම කියන්න එන්න shop rating

ඉහත රූපයෙන් පෙන්වන දත්ත අනුව වයස අවුරුදු 18ට වැඩි පුද්ගලයන් යොදාගෙන ඇමරිකාවේදී සිදුකරන ලද ගවේෂණයක් අනුව ලා කොළ පැහැයෙන් දැක්වෙන Disc Players භාවිතා කිරීම ඉතා  අඩු බවත් Live TV සහ Smart Phone/Streaming App භාවිතය වැඩි වෙමින් පවතින බවත් පැහැදිලි වෙනවා. මේ අනුව Blu Ray Players යනු තවත් ටික කාලයකින් භාවිතයෙන් සම්පූර්ණයෙන් ඉවත් විය හැකි මෙවලමක් බවට පත්විය හැකියි.

 

LEAVE A REPLY

Please enter your comment!
Please enter your name here