Google සමාගම Gboard keyboard එක සඳහා AI පදනම්වූ ලිවීමේ features කිහිපයක් නිල වශයෙන් නිකුත් කර ඇත. මෙම AI Writing Tools භාවිතයෙන් පරිශීලකයන්ට ඔවුන් යවන පණිවිඩ නිවැරදි කිරීමට හෝ වෙනස් ආකාරයකින් ලිවීමට උදව් කරයි. මෙම විශේෂාංගය මුලින් Pixel දුරකථනවලට පමණක් සීමා වූ නමුත්, දැන් එය Pixel නොවන Android සියලු දුරකථනවලටද ලබා දෙමින් සිටී. පරිශීලකයන්ට Gboard හි Writing Tools buttonඑක ස්පර්ශ කිරීමෙන් කුඩා download එකක් සිදුකර මෙම සේවාව activate කර ගත හැකිය.
Google Gboard beta version එකෙ “flick to symbol” හෝ “flick keys” නමින් නව විශේෂාංගයක් පරීක්ෂා කරමින් සිටී. මෙම විශේෂාංගය සක්‍රීය කළ විට, පරිශීලකයන්ට keyඑකක් ස්පර්ශ කර පහළට ඇදීමෙන් එහි ඉඟි කරන ලද සංකේතයට ප්‍රවේශ වීමට හැකි වේ, මෙය iPad වල තිබෙන keyboard එකට සමාන වේ. එම භාව‍ිතය අනුව, “A” key එක මත flick කිරීමෙන් “@” සංකේතය ලබා ගත හැකි අතර, මෙය ඊමේල් හෝ password ඇතුළත් කිරීම් වල ඇති අවහිරතා අඩු කරයි. flick gesture භාවිතයට තරමක් කාලය ගත වන නමුත් පුරුදු වූ පසු එය ඉතා ප්‍රයෝජනවත් වේ.
මෙම flick keys විශේෂාංගය දැනට Gboard beta version එකෙ පමණක් දක්නට ලැබෙන අතර, beta version එකෙ “Password number row” වැනි වෙනත් විශේෂාංග ද ඇතුළත් වී ඇත, එහි දී password ඇතුළත් කරන වේලාවට පමණක් අංක keyboard එක ගතිකව පෙන්වීමට හැකිය. Beta පරිශීලකයින්ගෙ feedback මත පදනම්ව, Google විසින් මෙම විශේෂාංග වඩාත් ප්‍රයෝජනවත් සේවාවක් ලෙස ඉදිරි කාලයේදී සියලු පරිශීලකයන්ට ලබා දෙනු ඇතැයි අපේක්ෂා කිරීමට පුලුවනි.
Leave a comment