USB උපාංග වලින් ඔබේ දුරකතනය ආරක්ශා කරන විශේෂාංගය

Android 16 සමඟ නිකුත් වෙන අලුත් විශේෂාංගයක් නිසා ඔයාගේ දුරකථනයේ ආරක්ෂාව තවත් ශක්තිමත් වෙනවා. Google සමාගමෙන් නවතම “Advanced Protection Mode” විශේෂාංගය හඳුන්වා දීලා තියෙනවා. මේක මඟින් ඔබේ දුරකථනය ලොක් කර ඇති විට USB මඟින් දත්ත ඇතුලු කිරීමේ හැකියාව ස්වයංක්‍රීයව අක්‍රිය කරනවා. මෙය විශේෂයෙන් වැදගත් වෙන්නේ, පොදු USB චාර්ජින් ස්ථාන භාවිතා කිරීමේදී සිදුවිය හැකි දත්ත සොරකම් වැළැක්වීම සඳහායි.

මෙම “Advanced Protection Mode” සක්‍රිය කළ විට, ඔබේ දුරකථනය අගුළු ලා තිබෙනවානම්, USB සම්බන්ධතා හරහා කිසිදු දත්ත හුවමාරුවක් සිදු වෙන්නෙ නැහැ. ඔබට හරිහැටි අගුළු විවෘත කළ පසුව පමණක් USB මඟින් දත්ත හුවමාරු කිරීමට හැකියාව ලැබෙනවා. මෙය දුරකථනය ඒ විදියට අනිසි තැන්වල රැඳී සිටින විට දත්ත සුරක්ෂිතව තබා ගැනීමට විශාල උදව්වක් වෙනවා.

ඇතැම් අවස්ථාවලදී, ඔබ කුමන උපාංගයක් හෝ USB කේබල් එකක් සම්බන්ධ කළොත්, “Unauthorized USB activity detected” කියලා අනතුරු ඇඟවීමක් ඔබට පෙන්වෙනවා. මෙය සරල ලෙස ඔබට දන්වන්නෙ, දැනට ඔබේ දුරකථනයට USB මගින් දත්ත ප්‍රවේශය වසා දැමූ බවයි.

මෙම විශේෂාංගය Pixel උපාංග සහ අනෙක් Android 16 යාවත්කාලීන උපාංග සඳහාද ඉදිරියේදී ලැබෙනු ඇත.