Android 16 Beta 4 සංස්කරණය සමග නිකුත් උනු අලුත් විශේෂාංග

දැන් Android 16 Beta 4 නිකුත් වෙලා තියෙනවා. මේ නවතම අප්ඩේට් එක Google සමාගම විසින් Pixel 6 සහ නවතම උපාංග සඳහා නිකුත් කර තියෙන අතර, මේ Android 16 හි අවසන් බීටා නිකුත් කිරීම ලෙස සැලකෙනවා. මෙම නිකුත් කිරීමෙන් පසු, Android 16 හි ස්ථාවර සංස්කරණය නිකුත් කිරීම 2025 මැයි මාසයේදී අපේක්ෂා කරනවා.​

Android 16 Beta 4 නව විශේෂාංග
Always-On Display (AOD) themes: “Bubbly” AOD ඔරලෝසු විලාසිතාව දැන් dynamic theming සමඟ ගැළපෙනවා. මෙය, සංඛ්‍යා ලකුණු වටා වර්ණවත් ආලෝකයක් ලෙස දැන් පෙනෙනවා.

App Drawer Shortcut එකක්: Pixel Launcher හි, යෙදුම් අයිකනයක් දිගට ඔබන විට දැන් “Apps list” shortcut එකක් පෙනෙන අතර, එය App Drawer එක වෙත ඉක්මන් පිවිසුමක් ලබාදෙනවා.​

Recents Menu එකෙ නව විකල්ප: Recents පිටුවේ ඇප් අයිකනයක් දිගට ඔබන විට දැන් “Close” වැනි නව විකල්පයක් පෙනන අතර, එය ඇප් එකක් වහාම වසා දැමීමට උපකාරී වෙනවා.

Battery Health විකල්පය: කෙටි කාලයකට පෙර Android 16 Beta 3 සංස්කරණයේ Battery Health විකල්පය පෙන්නුවත්, Beta 4 හිදී සමහර පරිශීලකයින්ට එය දැකගන්න විදියක් නැහැ. මෙය තාවකාලික වශයෙන් ඉවත් කර ඇති බව පෙනෙනවා.​

Android 16 Beta 4 ලබාගත හැකි උපාංග
මෙම Beta නිකුත් කිරීම Pixel 6 සඳහා ලබාගන්න පුලුවන්. ඔබ දැනටමත් Developer Preview හෝ Beta සංස්කරණයක් භාවිතා කරන්නේ නම්, OTA (Over-The-Air) යාවත්කාලීනයක් ලෙස Beta 4 ලබාගත හැකි වෙනවා.​

Android 16 Beta 4 නිකුත් කිරීමෙන් පසු, Google විසින් Android 16 හි ස්ථාවර නිකුත් කිරීම 2025 මැයි මාසයේදී සිදු කරන බව අපේක්ෂා කරනවා. මෙය Pixel 10 series එකෙ උපාංග සමඟ හඳුන්වාදීමට හැකියාවක් තිබෙනවා.​