ඇමරිකාවේ කොලරාඩෝවල පැවති චිත්‍ර තරගයකින් ප්‍රථම ස්ථානය දිනූ නිර්මාණය කෘතිම බුද්ධිය හරහා කල එකක් බව එලිවීමත් සමගම අන්තර්ජාලය අඵත්ම ආරවුලක පැටලිලා තියෙනව.

Jason Allen විසින් “Théâtre D’opéra Spatial” චිත්‍රය නිර්මාණයක් ලෙස ඇමරිකාවේ කොලරාඩෝවල තරගයට ඉදිරිපත් කරන්නෙ “Digital Arts / Digital Manipulated Photography” කාණ්ඩය යටතේයි. මෙහිදී නිර්මාණයට දුන් ඉහත නමට අමතරව එය Jason Allen via Midjourney ලෙසත් සදහන් කරන්න ඔහු පියවර ගෙන තිබුන බව පසුව හෙලි උනා. නමුත් Midjourney Ai Platform එක යනු Ai වලින් චිත්‍ර නිර්මාණය කරන එකක් බව බොහෝ දෙනා නොදන්නා නිසා මෙය ගැන සංවිධායක මණ්ඩලය අවධානයක් යොමු කර තිබුනේ නැහැ.

Mobile, Internet Service එක ගැන සෑහිමකට පත්වෙනවද?- ReviewSriLanka.com

මේ නිර්මාණය Digital Manipulation යටතේ ප්‍රථම ස්ථානය දිනාගත් අතර එහි අයිතිකරු වන Jason Allen විසින් මෙය Artificial Intelligence හරහා නිර්මාණය කල එකක් බව Twitter හරහා හෙලි කිරීමත් සමගම අන්තර්ජාලය උනුසුම් වෙන්න පටන් ගත්තා. මිනිසෙක් විසින් විශාල කාලයක් වැය කරමින් පින්සලක් කැන්වසයක් භාවිතා කරමින් හෝ පරිගණකයන් භාවිතා කරමින් නිර්මාණයක් කිරීම සහ වචන කීපයක් Type කිරීම හරහා තත්පර කීපයකින් නිර්මාණය වන දෙයක් අතර විශාල පරස්පරයක් ඇති බවට බොහෝ දෙනා තර්ක කරනවා.

කෙසේ වෙතත් ඉදිරියේදී කලාත්මක නිර්මාණ සිදු කිරීම එම ශිල්පය නොදත් කෙනෙකුට පවා පහසුවෙන් කරගත හැකිවීම වගේම – මේ හරහා ශිල්පය ඉගෙනගත් ප්‍රවීණයන්ට එම ක්ශෙත්‍රය තුල ඇති ඉල්ලුම අඩුවීමක් හෝ සම්පූර්ණයෙන්ම නැතිවීමක් ගැනත් අනතුරු ඇගවෙනවා. ලංකාවේ මින් පෙර පුවරු දැන්වීම් වල සජීවී ලෙස චිත්‍ර ඇදි ශිල්පීන් පරිගණක සහ Printing තාක්ෂණය සමග නැතිවී යාම මෙවන් තාක්ෂණ වල නරක පැතිකඩක් ලෙස දැකිය හැකි වෙනව.

මේ සමග Twitter තුල ඇතිවූ කතාව පහතින්

Artificial intelligence හරහා චිත්‍ර ඇදපු හැටි ගැන Video එක බැළුවෙ නැත්නම් ඒකත් බලන්න පුළුවන්

LEAVE A REPLY

Please enter your comment!
Please enter your name here