2025 දී එන සුපිරිම වීඩියෝ ක්‍රීඩා 9ක්

F1 25

F1 25 යනු EA Sports සහ Codemasters සමාගම් විසින් නිපදවන ලද නවතම Formula One racing ක්‍රීඩාවයි. මෙය 2025 මැයි 30 වන දින PS5, Xbox Series X|S සහ PC සඳහා නිකුත් වීමට නියමිතය. මෙම සංස්කරණය තරමක් විශිෂ්ට වන අතර, නව පරපුරේ පරිගණක සහ ක්‍රීඩා උපකරණ සඳහා විශේෂිතව නිර්මාණය කර ඇත. LiDAR තාක්‍ෂණය භාවිතයෙන් නිවැරදි මාර්ග නිමාව, path-traced lighting තාක්‍ෂණය සහ reverse track layouts යනාදී විශේෂාංග එකතු කර ඇත. Aiden Jackson සහ Callie Mayer වැනි චරිත සමඟින් මෙම ක්‍රීඩාව, Braking Point කතාව continue කරයි.

Death Stranding 2: On the Beach

ඩෙත් ස්ට්‍රැන්ඩිං 2: ඔන් ද බීච් (Death Stranding 2: On the Beach) යනු 2019 වසරේ නිකුත් වූ Hideo Kojimaගේ ජනප්‍රිය ක්‍රීඩාවේ අනුපිළිවෙළකි. මෙය 2025 ජූනි 26 වැනිදා නිකුත් වීමට නියමිතය. Kojima Productions විසින් නිපදවනු ලබන මෙම ක්‍රීඩාව, ප්‍රධාන චරිතය වූ සෑම් පෝටර් බ්‍රිජස් (Sam Porter Bridges)  නෝර්මන් රීඩස් (Norman Reedus) විසින් රඟපෑ කථාවක් ලෙස ඉදිරිපත් කරයි.

මෙම සංස්කරණය තුළ නව gameplay විශේෂාංගයන් එක් කර ඇත. භූමිකම්පන, ගංවතුර වැනි ස්වභාවික විපත්, ක්‍රීඩාවේ පරිසරය සජීවීව වෙනස් කරන ආකාරය සහ නව ගමන් මාර්ග මෙයට ඇතුළත්ය. ක්‍රීඩකයින්ට මෙම අභියෝගයන් හරහා ගමන් කිරීම සඳහා නව මෙවලම් හා ප්‍රවාහන ක්‍රම භාවිතා කළ හැකිය.

Mafia: The old country

Mafia: The Old Country යනු 2K Games සහ Hangar 13 විසින් නිපදවන ලද, Mafia ක්‍රීඩා මාලාවේ සිව්වන ප්‍රධාන සංස්කරණයයි. මෙම ක්‍රීඩාව 2025 අගෝස්තු 8 වනදා PlayStation 5, Xbox Series X|S සහ Windows PC සඳහා නිකුත් වීමට නියමිතය.

කතාව 1900 දශකයේ සිසිලියාවේ සන් සෙලෙස්ටේ නගරයේ සිදුවේ. ප්‍රධාන චරිතය වන එන්සෝ ෆවාරා, සල්ෆර් ගල්කන්දක වැඩකරන දරුවෙකු ලෙස ආරම්භ කරයි. ඔහුට උසස් ජීවිතයක් සඳහා අවස්ථාවක් ලැබෙයි, එනම් ටොරීසි අපරාධ පවුලට එකතු වීමයි. මෙම ක්‍රීඩාව, Mafia සහ Mafia II මෙන්ම, තීරණාත්මක කතාවක් සහිත third person ක්‍රීඩාවක් ලෙස නිර්මාණය කර ඇත. 

ක්‍රීඩාවේ gameplay විශේෂාංගයන්ට, සජීවී සටන් ක්‍රම, stealth ක්‍රියාකාරකම්, සහ නව අවි භාවිතය ඇතුළත් වේ. ක්‍රීඩකයින්ට පදවිය හැකි වාහන අතර, 1900 දශකයේ වාහන සහ අශ්වයන් ඇතුළත් වේ. මෙම ක්‍රීඩාව Unreal Engine 5 මත පදනම්ව නිර්මාණය කර ඇත.

Borderlands 4

Borderlands 4 යනු Gearbox Software විසින් නිර්මාණය කරන ලද, 2K Games විසින් ප්‍රකාශයට පත් කරන ලද, ජනප්‍රිය looter-shooter ක්‍රීඩා මාලාවේ නවතම සංස්කරණයයි. මෙම ක්‍රීඩාව 2025 සැප්තැම්බර් 12 වනදා PlayStation 5, Xbox Series X|S සහ PC සඳහා නිකුත් වීමට නියමිතය, සහ Nintendo Switch 2 සඳහා පසුව නිකුත් වීමට නියමිතය.

Borderlands 4 හි කතාව සිදුවන්නේ කයිරොස් නම් නව ග්‍රහලෝකයකි. මෙම ග්‍රහලෝකය, Timekeeper නම් නීතිමය හා අධිකාරි ආධිපත්‍යයක් ඇති නායකයෙකු විසින් පාලනය කරයි. ඔහු, Bolts නම් සයිබර්නෙටික් implants සහ The Order නම් සංකීර්ණ සෙබළුන්ගේ හමුදාවක් භාවිතයෙන් ජනතාව පාලනය කරයි. කතාව, Elpis නම් චන්ද්‍රයා කයිරොස් ග්‍රහලෝකයේ පරිභ්‍රමණයේ පැමිණීමෙන් පසු Timekeeperගේ පාලනය කඩා වැටීම සහ ජනතා විරෝධතා ආරම්භ වීම පිළිබඳව වේ.

Ghost of Yotei

Ghost of Yōtei යනු Sucker Punch Productions සමාගම විසින් නිපදවන ලද ක්‍රිඩාවක් වේ. මෙය 1603 වසරේ දී, Ghost of Tsushima ගේ සිදුවීම් වලට පසුව, Atsu නම් කාන්තා සොල්දාදුවියකගේ කතාව අනුසාරයෙන් නිර්මාණය වී ඇත. ඇයගේ පවුල මරා දැමූ Yōtei Six නමින් හැඳින්වෙන අපරාධකරුවන්ට එරෙහිව සටන් කරයි. කතාව, ජපානයේ මැද Mount Yōtei ප්‍රදේශයේ (අද හොක්කයිඩෝ) පදනම්ව ඇත. ක්‍රීඩාව open world වන අතර විවිධ සටන් ක්‍රම නව අවි සහ තෙරීම ක්‍රම මගින් ඉතාමත් හොද experience එකක් ලබා දෙයි. 2025 ඔක්තෝබර් 2 වන දින නිකුත් වීමට නියමිතව තිබෙ.

Game of Thrones : Kingsroad

Game of Thrones: Kingsroad යනු Netmarble විසින් නිර්මාණය කරන ලද නවතම RPG ක්‍රීඩාවකි. මෙය 2025 දී PC, iOS, සහ Android සඳහා නිකුත් වීමට නියමිතය. මෙම ක්‍රීඩාව HBO හි Game of Thrones මාලාවේ සිදුවීම්වලට සමීපව සිදුවන අතර, ක්‍රීඩකයා House Tyre හි නීතිවිරෝධී උරුමකරුවෙකු ලෙස ක්‍රියා කරයි. ඔහුගේ කුලයේ ගෞරවය නැවත ලබා ගැනීම සඳහා සටන් කිරීම, Night’s Watch හි සහය ලබා දීම, සහ White Walkers වැනි ආක‍්‍රමණිකයන්ට එරෙහිව සටන් කිරීම මෙම ක්‍රීඩාවේ ප්‍රධාන අරමුණු වේ.

WILL 

WILL: Follow The Light යනු TomorrowHead Studio විසින් නිර්මාණය කරනු ලබන කතාවක මූලිකත්වය ඇති, අභියෝගාත්මක ගේම් එකකි. මෙය 2025 දී PC, PlayStation 5 සහ Xbox Series X|S සඳහා නිකුත් වීමට නියමිතය.

ඔබ මෙහිදී “Will” නම් ප්‍රධාන චරිතය අත්දැකිය හැකිය. ඔහු ලයිට්හවුස් පාලකයෙකි. ඔහුගේ නගරය විනාශ වේ. ඔහුගේ පුතා අතුරුදන් වූ අතර, Will ඔහු සෙවීමට මුහුද හරහා පිටත් වේ.

Elden Ring : Tarnished Edition

Elden Ring: Tarnished Edition යනු FromSoftware විසින් නිර්මාණය කරන ලද, 2025 දී නිකුත් වීමට නියමිත, විශිෂ්ට RPG ක්‍රීඩාවකි. මෙය Nintendo Switch 2 සඳහා නිල වශයෙන් නිකුත් වීමට නියමිත අතර, PlayStation 5, Xbox Series X|S, සහ PC සඳහාද ලබා ගත හැකි වේ.

Little NightMares 

Little Nightmares III යනු Bandai Namco Entertainment විසින් ප්‍රකාශයට පත් කරන, Supermassive Games විසින් සංවර්ධනය කරන, 2025 දී නිකුත් වීමට නියමිත, puzzle-platformer ක්‍රීඩාවකි.

මෙම නවතම සංස්කරණයේදී, ක්‍රීඩකයන්ට Low සහ Alone නම් නව චරිත දෙදෙනෙකුගේ භූමිකාවන් භාරගෙන “The Spiral” නම් අඳුරු සහ භීෂණකාරී ලෝකය හරහා ගමන් කිරීමට සිදු වේ. මෙම ලෝකය, විකෘති සිහිනයන්ගෙන් ගොඩනැගුණු, විවිධ භයානක සත්ත්වයන් සහ අභියෝගයන්ගෙන් පිරුණු ස්ථානයකි.