ළගදීම WhatsApp වෙතින් නිකුත් කරන්න සූදානම් වෙන නවතම විශේෂාංගයක් ගැන කතා කරමු. දැන්, ඔබට ඔබේ group chat සඳහා AI තාක්ෂණය භාවිතයෙන් customizable ගෲප් අයිකන් නිර්මාණය කරන්න හැකිවෙනවා. මේ විශේෂාංගය මගින්, ඔබට ඔබේ කණ්ඩායමේ මාතෘකාව අනුව අයිකන් සකස් කරගැනීමට හැකියාව ලැබෙනවා.
මෙම විශේෂාංගය භාවිතා කිරීමට, පළමුව ඔබ කැමති group chat එක විවෘත කරන්න. පසුව, කණ්ඩායමේ නම තබා ඇති ස්ථානය click කරන්න. එවිට, කණ්ඩායමේ අයිකනය වෙනස් කිරීමට ඇති විකල්පය තෝරාගන්න. එයින් “customize icon” තෝරන්න, එවිට “create AI icon” යන විකල්පය පෙනේවි. මෙහිදී, ඔබට ඔබගේ අදහස අනුව රූපයක් නිර්මාණය කිරීමට Meta AI මගින් හැකියාව ලැබෙනවා.
මෙම විශේෂාංගය මේ වන විට Android බීටා පරිශීලකයින් සඳහා ලබාදී තිබෙන අතර, ඉදිරියේදී සියලුම පරිශීලකයින්ට ලබාදීමට Meta සමාගම සැලසුම් කරනවා. එසේම, WhatsApp වල නවතම යාවත්කාලීන කිරීමකින්, මුල් තිරයේ සිටම Meta AI සමඟ සංවාද ආරම්භ කිරීමට හැකි widget එකක්ද හඳුන්වා දී තිබෙනවා. මෙම widget එක මගින්, පරිශීලකයින්ට AI සමඟ පහසුවෙන් chat කිරීමට හැකියාව ලැබෙනවා.
Leave a comment