Tesla සමාගම විසින් මෘදුකාංග දෝෂයක් නිසා වාහන 321000 වෙලදපොලෙන් ඉවත් කරගෙන තිබෙනව. මෙම දෝෂය නිසා වාහනයේ taillights අනිසි ලෙස ආලෝකමත් වීමක් සිදුවෙල තියනව. මේ ආකාරයට වෙළදපොලෙන් ඉවත් කරගත් මාදිලි අතර 2023 Model 3 මාදිලිය සහ 2023 Model Y යන මාදිලි අයත් වෙනව.
දෝෂ නිසා වාහන නැවත කැදවීම නොහොත් recall කිරීමේදී වාහන සියල්ලම නිෂ්පාදකයා වෙත ලබාගත්තත්, EV වල දෝෂ බොහොමයක් Software හරහා නිවැරදි කිරීමට හැකි නිසා මෙය Soft recall එකක් ලෙස හැදින්විය හැකියි. මෙහිදී Software Update එකක් හරහා දෝෂය නිවැරදි කෙරෙනවා.
Tesla සමාගම පවසන්නේ වාහනයේ එක් පැත්තක හෝ දෙපස පිටුපස විදුලි පහන් වාහනය පනගන්වන විට ඇතිවන දෝෂයක් නිසා නැවත නැවත දැල්වීමක් සිදුවන බවයි. NHTSA (National Highway Traffic Safety Administration) පවසා තිබුනේ රාත්‍රී කාලය තුල වාහනය අනතුරට ලක් වීමේ අවධානය වැඩි බවයි. නමුත් Tesla සමාගමට තවමත් එවැනි අනතුරු පිලිබදව වාර්තා වී නොමැති බවයි සදහන් වෙන්නෙ.
Tesla සමාගම වැඩිදුරටත් පවසා තිබුනේ over-the-air (OTA) software update එකක් මගින් මෙම දෝෂ නිරාකරනය කරන බවයි.
මෙය electric වාහන නිපදවන සමාගම් වලින් කරන ලද 19වන නැවත කැදවීමයි. පසුගිය සතියේ Tesla සමාගම විසින් Model X වාහන 30000 අඩු වේගයකින් සිදුවන ගැටීම් වලදීත් airbag ක්‍රියාත්මක වීමේ ගැටලුවක් නිසා නැවත කැදවීමක් සිදුකර තිබෙනව. ඒවගේම එම සමාගම විසින් මීටපෙර Model X සහ S වාහන 40000 පමන ගැටිති සහිත මාර්ග හරහා ධාවනය කිරීමේදී හෝ වළක වැදීමෙන් පසු power steering නැතිවීම හේතුවෙන් වෙළදපොලෙන් ඉවත් කරගෙන තිබෙනව.
Leave a Reply