නව නිර්මාණ අංශයෙන් සම්මාන ලැබූ MSI සමාගම

2025 වර්ෂය සදහා වූ නව නිර්මාණ සදහා වූ සම්මාන උළෙලක් වන CES 2025 හිදී MSI සමාගමේ නවතම පරිගණක උපාංග සදහා Gaming & Esports Category එකෙන් වගේම, Artificial Intelligence Category එකෙන්ද සම්මානයට ලක් වුනා. ඒ වගේම ලබන වසරේ තවත් සම්මාන 2ක් ලබා ගැනීමටත් නියමිතයි.

මෙම නිෂ්පාදන The Venetian හි Veronese Ballroom හිදී ප්‍රදර්ශනය කිරීමට සුදානම් කර ඇත.Consumer Technology Association (CTA)® විසින් හිමිකාරීත්වය දරන සහ නිෂ්පාදනය කරන CES Innovation Awards වැඩසටහන සඳහා ඉදිරිපත් කිරීම් 3,400කට වැඩි සංඛ්‍යාවක් ලැබී ඇති අතර එය වාර්තාගත ඉදිරිපත් කිරීම් සංඛ්‍යාවක් වුනා. 2025 ජනවාරි 7-10 දක්වා ලාස් වේගාස් හි පැවැත්වෙන ලෝකයේ ප්‍රමුඛතම තාක්ෂණික උත්සවය වන CES 2025ට පෙරාතුවම මෙම සම්මානයට පාත්‍ර වීමද විශේෂත්වයක්.

CES Innovation Awards මගින් පාරිභෝගික තාක්ෂණ නිෂ්පාදන කාණ්ඩ 33ක් පුරා විශිෂ්ට නිර්මාණ සහ ඉංජිනේරු කුසලතා සැමරීම සිදු කරන අතර, ඉහළම ශ්‍රේණිගත නිෂ්පාදන සඳහා “Best of Innovation” සම්මානයන් පිරිනැමේ. මාධ්‍යවේදීන්, නිර්මාණකරුවන් සහ ඉංජිනේරුවන්ගෙන් සැදුම්ලත් විශිෂ්ට විනිසුරු මඬුල්ලක් විසින් නවෝත්පාදනය, ක්‍රියාකාරීත්වය, අලංකාරය සහ නිර්මාණය වැනි නිර්ණායක මත පදනම්ව ඉදිරිපත් කිරීම් ඇගයීමට ලක් කර තිබෙනවා.

“නවෝත්පාදන චින්තනය තාක්ෂණික සංවර්ධනය සහ කාර්මික උන්නතිය සඳහා වූ වර්ධන බලය විය හැකිය, MSI නැවතත් CES Innovation Honoree සම්මාන කිහිපයක් දිනා ගැනීම ගෞරවයක් ලෙස සලකනවා. AI යුගයේ පැමිණීමත් සමඟ, MSI කාලයට සරිලන පරිදි ගමන් කරනවා, නිෂ්පාදන සංවර්ධනය පිළිබඳ නවෝත්පාදන අදහස් ඇතිව, අපි නිෂ්පාදන ව්‍යුහයේ නිර්මාණය ඉදිරියට ගෙන යමින් සිටිනවා. මෑතකදී, අපි විවිධ නව අභියෝග සමඟ ගේමින් ලෝකය ජය ගැනීම සඳහා ක්‍රීඩකයින්ට ඉහළ performance සහිත AI PC පෙළක් දියත් කරා,” යැයි MSI හි අලෙවිකරණ උප සභාපති Sam Chern පවසලා තියෙනවා. MSI හි සම්මාන දිනූ නිෂ්පාදන වලට ඇතුළත් වන්නේ:

MPG Z890I EDGE TI WIFI

“Gaming & Esports” කාණ්ඩය යටතේ, මෙම compact  ITX motherboard එක Gamers ලා  සහ esports ලෝලීන් සඳහාම  නිර්මාණය කර ඇති අතර, සුදු පැහැති නිමාවකින් යුක්තව හොද performance  සහ පුළුල් කළ හැකි හැකියාවන් සපයනවා. එය කුඩා ඉඩකින් සැලකිය යුතු ගේමින් අත්දැකීමක් ලබා දීම සඳහා සන්නද්ධ කරලා තියෙනවා.

MEG Z890 UNIFY-X

“Gaming & Esports” කාණ්ඩය යටතේ සම්මානයට පාත්‍ර වූ මෙය,  Overclock කිරීම සදහාම විශේෂයෙන් නිර්මාණය කර ඇති මෙහි, Clean DDR5 signal එකක් සහතික කිරීම සඳහා DIMM slots දෙකක් සහිත වන අතර, Memory performance සීමාවන් පසු කිරීමට එය වැදගත් වනවා.

MEG VISION X AI

“Gaming & Esports” සහ “Artificial Intelligence” කාණ්ඩ යටතේ සම්මානයට පාත්‍ර වූ මෙම AI-බලගැන්වූ ප්‍රමුඛ ගේමින් ඩෙස්ක්ටොප් පරිගණකය, අන්තර්ජාල සම්බන්ධතාවයකින් තොරව භාවිතා කළ හැකි voice interactive සහ MSI AI Artist සමඟ ඒකාබද්ධ කරන ලද අඟල් 13ක “AI HMI” ස්පර්ශක තිරයක් ඇතුළත් වෙනවා. real-time hardware monitoring, app recognition සහ AI-driven temperature controls සමඟින්, MEG VISION X AI මගින් AAA games මනාව ධාවනය කරන අතර ද්විතීයික දර්ශන තිරයක් ලෙසද ක්‍රියා කරමින් වැඩිදියුණු කළ පරිශීලක පාලනයක් සහ බහුකාර්ය හැකියාවන් සපයනවා. නවතම Intel CPUs, NPUs, සහ NVIDIA ග්‍රැෆික්ස් සමඟින් සන්නද්ධ වූ MEG VISION X AI මගින් ගේමින් සහ AI යෙදුම් යන දෙඅංශයෙහිම පරිගණක විභවතාවය නව අර්ථ කථනයක් ලබා දීලා තියෙනවා.

AEGIS RS2 AI

“Artificial Intelligence” කාණ්ඩය යටතේ සම්මානයට පාත්‍ර වූ, ඇමරිකාවේ එකලස් කරන ලද Aegis RS2 AI 2nd මගින් AI-බලගැන්වූ ගේමින් පුළුල් ප්‍රේක්ෂක පිරිසක් වෙත ගෙන යනවා. නවතම NVIDIA ග්‍රැෆික්ස් සහ NPU-බලගැන්වූ Intel CPUs සමඟින්, මෙම ඩෙස්ක්ටොප් පරිගණකය AI-වැඩිදියුණු කළ ගේම්ප්ලේ , dynamic setting optimization, සහ  user-friendly design එක වසර ගණනාවක ගේමින් සහ ඵලදායිතාව සඳහා වටිනා ආයෝජනයක් වේවි.

CES Innovation Awards 2025 සම්මානලාභීන්, නිෂ්පාදන විස්තර සහ ඡායාරූප ඇතුළුව CES.tech/innovation වෙතින් ලබාගන්න පුළුවන්, බොහෝ සම්මානලාභීන් CES 2025 හි CES Innovation Awards ප්‍රදර්ශනයේදී ඔවුන්ගේ සම්මාන දිනූ නිෂ්පාදන ප්‍රදර්ශනය කරාවි. වැඩිදුර තොරතුරු CES.tech වෙතින් සොයාගන්නත් ඔබට පුළුවන්.

MSI:                          https://www.msi.com

MSI YouTube:         https://www.youtube.com/user/MSIGamingGlobal

MSI Facebook:      https://www.facebook.com/MSIGaming

MSI Instagram:      https://www.instagram.com/MSIGaming

MSI Twitter:             https://twitter.com/MSITweets