විශාල අවධානයක් දිනාගත් Huawei Mate 70

Huawei සමාගමෙන් ඊලගට නිකුත් වෙන්න තියන flagship දුරකතනය තමයි Huawei Mate 70 කියන්නෙ. මේ වෙනකොට මේ දුරකතනය නිකුත් වෙන්න කලින් ඉදන්ම චීනය තුල විශාල අවදානයක් ලබාගෙන ඉවරයි. Huawei සමාගමෙන් නිකුත් කරන P සහ Pura series වල දුරකතන කැමරා විශේෂාංග මුල්කරගෙන නිකුත් වෙද්දි Mate series එකෙ දුරකතන performance මූලික කරගත්ත flagship දුරකතන විදියටයි Huawei සමාගම නිකුත් කරන්නෙ.

විවිධ ආරංචි මාර්ග වලට අනුව මේ අලුත් Mate දුරකතනයෙ තියෙන්නෙ අලුත්ම බලසම්පන්න Kirin chip එකක්. එහි මාදිලිය ගැන තවමත් කිසිදු විස්තරයක් දැනගන්න නැහැ. කෙසේනමුත් මීටකලින් ආපු Mate 60 දුරකතනයෙ තිබුනෙ Kirin 9000s 5G චිප් එක. ඒවගේම Pura 70 Ultra දුරකතනය Kirin 9010 චිප් එකෙන් බලගැන්වුනා. පරිශීලකයන්ගෙ අවධානය මේ දුරකතනයට ලැබෙන්න අනෙක් හේතුව මේ දුරකතනයෙ design එක.

Huawei සමාගම මේ දුරකතනයෙ design එක එලිදැක්වූවාට පස්සෙ දුරකතනයෙ reservation කිරීම ආරම්භ කලා. පැයක් ගතවනවිට reservation මිලියන 1.5 ලැබී තිබුනා. ඒ වගේම මේ වනවිට ඒ සංඛ්‍යාව මිලියන 2.9ක් දක්වා ඉහල ගොස් තිබෙනවා. මේ විදියට online orders පමනක් නෙවෙයි Huawei සමාගමේ දුරකතන අලෙවිසැල් වලත් විශාල පිරිසක් රැස්ව සිටිනවා මේ දුරකතනය මිලදී ගැනීමට. Mate 70 දුරකතනය නිළ වශයෙන් නිකුත් වුනෙ ඊයෙ එනම්, නොවැම්බර් 26 වෙනිදායි.