British Condum සන්නාමයට අනුබද්ධිත සමාගමක් වන Durex India සමාගමේ වෙබ් අඩවියේ ඇති වූ දෝෂයක් හේතුවෙන් සිය ගනුදෙනුකරුවන්ගේ නම්, ඇණවුම් විස්තර ඇතුළු ඔවුන්ගේ පෞද්ගලික තොරතුරු පිටවීමකට ලක්ව ඇතිබව වාර්තා වේ.ඒ අතර පාරිභෝගිකයන්ගේ සම්පූර්ණ් නම්, දුරකතන අංක ,ඊ-මේල් ලිපිනය ,නැව්ගත කිරීමේ ලිපිනය (Shipping Address) සහ ඇණවුම් විස්තර ඇතුළුව ඔවුන්ගේ සංවේදී පුද්ගලික තොරතුරු රාශියක් මෙලෙස පිටවූ දත්ත අතර වේ.
ආරක්ෂක පරීක්ෂකයෙකු වන Sourajeet Majumder විසින් මෙම දත්ත පිටවීමේ ගැටළුව සොයාගත් අතර, Durex India හි වෙබ් අඩවියේ ඇණවුම් පිටුවේ නිසි සත්යාපන ක්රියාවලියක් නොමැති බවත් පාරිභෝගික දත්තවෙත අනවසරයෙන් ප්රවේශ වීමට ඉඩලබාදෙන බව ඔහු සොයාගත්තේය. මෙලෙස බලපෑමට ලක්වූ ගනුදෙනුකරුවන්ගේ නිශ්චිත සංඛ්යාව නොදන්න නමුත්, සිය ගණනකගේ දත්ත පිටවී ඇතැයි අනුමාන කලහැකිය.
Majumder වැඩි දුරටත් ප්රකාශ කරන්නේ සමාගමක් සමග සමීපව කටයුතු කරන පාරිභෝගිකයින්ගේ පෞද්ගලිකත්වය සහතික කිරීම ඉතා වැදගත් බවයි. එසේම මෙලෙස පිටවූ දත්ත හේතුවෙන් ගනුදෙණුකරුවන් සමාජ හිරිහැරවලට ගොදුරු විය හැකි බවටත් ඔහු අනතුරු ඇගවීය.මේ පිලිබදව ඔහු ඉන්දියාවේ පරිගණක හදිසි ප්රතිචාර සංසදයද (CERT-In)දැනුවත් කර තිබේ.
Durex මව් සමාගම වන Reckitt ප්රකාශකයෙකු වන Ravi Bhatnaggar සමාගමේ ගනුදෙනුකරුවන්ගේ තොරතුරු සුරක්ෂිත කිසීම සදහා අදහස් දැක්වීමක් හෝ හෙලිදරව් කිරීම ප්රතික්ෂේප කර තිබේ.තවද Durex India විසින් සිය දත්ත පිටවීමේ දෝෂය ප්රසිද්ධියේ පිලිගැනීමට සහ තම ගනුදෙනුකරුවන්ගේ දත්ත සුරක්ෂිත කිරීමට සුදුසු ක්රියාමාර්ග ගැනීමට අපොහොසත්වීම ආරක්ෂක විශේෂඥයින්න්ගේ මෙන්ම පුද්ගලයින්ගේද විවේචනයට ලක්ව ඇත.
Source–Tech Crunch / Perplexity Ai
Leave a comment