ඇමරිකාවේ උතුරු Carolina ප්රාන්තයේ Amazon ගබඩාවක සේවය කරපු මෙහෙයුම් කළමණාකරුවෙක් ඩොලර් 273,000 වටිනා පරිගණක කොටස් තමන් විසින් නැවත විකුණීම සඳහා සොරාගත් බවට වරද පිළිගෙන තියනවා. මේ සොරාගැනීම ඔහු විසින් එම භාණ්ඩ තැපැල් කිරීම කරන අතරතුර සිදු කරපු දෙයක් බවට මේ වෙද්දි අනාවරණය කරගෙනයි තියෙන්නෙ.
මේ සොරකම සිදු කරපු පුද්ගලයා 27 හැවිරිදි Douglas Wright Jr. නමැත්තෙක්. අධිකරණ දෙපාර්තමේන්තුව විසින් නිකුත් කරපු නිවේදනයකට අනුව Charlotte වල පිහිටි Amazon ගබඩාවකින් මේ වටිනා පරිගණක කොටස් තොගය කිහිප විටකදී මේ පුද්ගලයා විසින් සොරාගෙන තියනවා. 2020 ජූනි සහ 2021 සැප්තැම්බර් අතර කාලය තුලදී ඔහුගෙ තනතුරේ වරප්රසාද අවභාවිතා කරමින් hard drives, processors, සහ GPUs වැනි දේ මෙලෙස ඔහු සොරාගෙන ඇති බවයි වාර්තා වෙන්නේ. මෙලෙස සොරාගත් භාණ්ඩ ඔහු විසින් ගබඩාවේ සිට ඔහුගේ නිවසට යවා, එතන ඉඳන් California වල සිටින තොග වෙලෙන්ඳෙක්ට විකුණල තියෙනව කියලයි හෙලි වෙලා තියෙන්නෙ.
Chips ඇතුලු පරිගණක කොටස් වල හිඟයක් ලෝකය පුරා තියන අවස්ථාවක මේ වගේ සිදුවීම් සිදුවීම කණගාටුවට කරුණක්. Graphic cards වල අලුත් stocks පවා scalpers ල විසින් ඉක්මනින් මිලදී ගෙන වැඩි මිලට විකුණන පරිසරයක සොරකම් සිදුවීම මේ තත්වය තවත් බරපතල කරනවා.
ඉහත නම් කරන ලද වැරදි වලට Wright විසින් වරද පිළිගෙන තියනවා, ඒ අනුව දඬුවම් විදිහට වසර 20ක සිර දඬුවමක් සහ ඩොලර් 250,000 ක දඩයක් නියම වෙන්න පුළුවන්. නමුත් අධිකරණය තවමත් දඬුවම් නියම කරන දිනයක් නම් කරල නෑ.
Leave a Reply