Among Us අලුත්ම Map එක

Innersloth විසින් develop කරපු Among Us වීඩියෝ ක්‍රීඩාවට 2020දි ඉතා ඉහල සාර්ථකත්වයක් ලබාගන්න පුලුවන් උනා. මුලින්ම 2018දි මේක release කරත් ප්‍රසිද්ධියට පත් උනේ පසුගිය අවුරුද්දෙ, ඒකට ප්‍රධාන හේතුවක් උනෙ Video Game Streamers ල මේ ක්‍ර්‍රීඩාව විශාල වශයෙන් Stream කරල ලබා දීපු ප්‍රසිද්ධිය. ගිය අවුරුද්දෙ දෙසැම්බර් වල තිබ්බ “The Game Awards” වලදි Among Us ක්‍රීඩාවෙ අලුත්ම Map එක tease කරා. ඒකෙ නම උනේ “Airship”. ඒකෙ Reveal Trailer එක ඔයාලට මෙතනින් ගිහින් බලන්න පුළුවන්.

ඔයාලට දැනටමත් තේරිල ඇති අලුත් map එක රතු පැහැති airship එකක තමා base වෙලා තියෙන්නෙ. Developers ල confirm කරල තියනවා අනිත් maps වල දකින්න නොලැබෙන අලුත්ම tasks, objects සහ platforms මේ map එකේ ඇතුලත් වෙනව කියල. තව දෙයක් තමා මේ map එකේදි players ලට තෝරගන්න පුලුවන් වෙනවා match එක පටන් ගන්න ඕන මොන room එකේද කියන එකත්. මේ airship update එකත් එක්ක අලුත්ම costumes රාශියකුත් දැකගන්න ලැබෙයි. ඒ වගේම මේ map එක සියලු players ලට නොමිලේ play කරන්න පුලුවන් වෙනව කියලත් innersloth සමාගම ප්‍රකාශ කලා.

The Game Awards වලදි ආරංචි උනේ මේ map එක 2021 වසරෙ මුල් භාගයෙ release කරනව කියලයි. හුඟක් අය බලාපොරොත්තු උනා ජනවාරි මාසය තුල මේක release කරයි කියල. නමුත් ඒක සිද්ද උනේ නෑ. ඒත් තවමත් මේ අවුරුද්දෙ මුල් කාලය හින්ද ඉදිරි මාස කිහිපය තුල Airship map එක developers ල release කරන්න ඉඩ තියනවා. ඒත් මේ වසංගත තත්වයත් එක්ක සමහරවිට ඒ කාලය තවත් දික් වෙන්න ඉඩ නැතුවමත් නෙවේ.

Innersloth ල ගිය අවුරුද්දෙ නිවේදනයක් කරා එයාල Among Us 2 ක්‍රීඩාවත් develop කරන්න පටන් ගන්නව කියල, නමුත් පස්සෙ එයාල සඳහන් කරේ ඒ අදහස අත් හැරල Among Us Original game එකේ development එක සඳහා තම සම්පූර්ණ අවධානය යොමු කරන බවත් ඒ ක්‍රීඩාවට ඉදිරියට තවත් contents එකතු කිරීමට බලාපොරොත්තු වෙනව කියලයි.