Google සමාගම Holocene සමග ගිවිසුම්ගත වෙයි!

වායුගෝලයේ කාබන් ඩයොක්සයිඩ් (Co₂) විමෝචනය අවම කිරීම සදහ සෘජු-වායු ග්‍රහණය(direct-air capture)තාක්ෂණයට සහය වීම වෙනුවෙන් Google සමාගම Holocene සමග ගිවිසුමකට එලඹි බව නිවේදනය කළේය.Google මේ වෙනුවෙන් ඩොලර් මිලියන 100ක මුදලක් ආයෝජනය කර ඇති බවටද වාර්තා වේ.මෙහිදී Holocene සමාගම විසින් කාබන් ඩයොක්සයිඩ් විමෝචනයට ගන්නා පියවර වෙනුවෙන් එක්සත් ජනපද බලශක්ති දෙපාර්තමේන්තුවේ (US Department of Energy) නියමයන්ට අදාලව ඔවුන්ට ගෙවීම් සිදුකිරීමට නියමිතය.

මේ වන විට හරිතාගාර වායුන්වල ඉහල යාම නිසා ගෝලීය උෂ්ණත්වය(Global Warming) ඉහල යාමට පටන්ගෙන ඇත.වාර්තාවලට අනුව පසුගිය වසර පහ තුළ හරිතාගාර වායු විමෝචනය 50% කින් පමණ ඉහල ගොස් තිබේ.එමනිසා Google සමාගම මෙම ව්‍යාපෘතිය මගින් ඉලක්ක කරනුයේ අධිකව සිදුවන කාබන් විමෝචනය(carbon emissions) 2030 පමණ වනවිට සාමාන්‍ය තත්වයකට පත්කිරීමටය.