අලුත්ම intel 8th generation CPU Leak එක
2017 කියන්නෙ intel සමාගමට ඒතරම් හොද අවුරුද්දක් නෙමෙයි. AMD සමාගම තමන්ගෙ RYZEN වගේම Threadripper CPU වලින් intel සමාගමට සෑහෙන අභියෝගයක් එල්ල කරල ඉවරයි. ඉතින් මේ තරගයට intel සමාගමේ පිළිතුර තමයි 8th generation core processor series එක.
ජර්මනියෙ Online shopping site එකකින් Leak වෙච්ච මේ තොරතුරු ඇත්ත නම් අලුත් intel 8th gen CPU වල cores ගාන වැඩි වෙලා තියෙනව හැබැයි ගාන වෙනස් වෙලා නැහැ. මේ විදිහට Core lineup එකේ i3 CPU එකක Core s 2 – 4 ක් වෙලා, Core i5 එකේ Cores 4 – 6 ක් වෙලා වගේම I7 CPU වල Cores 6 threads 12 ක් විදිහට වෙනස් වීමක් තියෙනව.
Cores / Threads | Base Clock (GHz) | Turbo Clock (GHz) | L3 Cache | TDP | |
---|---|---|---|---|---|
i3 - 8100 | 4/4 | 4 | - | 8MB | 65W |
i3 - 8300 | 4/4 | 4 | - | 8MB | 65W |
i3 - 8350K | 4/4 | 4 | - | 8MB | 91W |
i5 - 8400 | 6/6 | 2.8 | 3.8 | 9MB | 65W |
i5 - 8600 | 6/6 | 3.6 | 4.1 | 9MB | 95W |
i7 - 8700 | 6/12 | 3.2 | 4.3 | 12MB | 65W |
i7 - 8700K | 6/12 | 3.7 | 4.3 | 12MB | 95W |
ඉතින් මේක Workstation / productivity වලට intel විතරක්ම හොයන අයට සෑහෙන හොද ආරංචියක් වෙනව. හැබැයි මෙච්චර කල් පාරිභෝගිකයො වෙන අපිට මේ වාසිය intel සමාගම දුන්නෙ නැත්තෙ ඇයි කියන ප්රශ්නෙත් මෙතනදි අහන්න වෙනව. AMD සමාගම තමන්ගෙ RYZEN CPU launch එකත් එක්කම intel සමාගමේ ඒකාධිකාරිත්වය නැතිකරන්න සෑහෙන බලපෑමක් කරල තියෙනව කියල මේකෙන් පැහැදිලි වෙනව.
මේ news එකෙන් පස්සෙ intel 8th gen වලට upgrade කරන්න හිතන් ඉන්න අයට මේ අලුත් CPU වලට intel 300 series motherboard ගන්න වෙනව කියලත් මතක් කරන්න වෙනව. ඉතින් ගිය අවුරුද්දෙ ආපු intel 200 series motherboard අලුත් 8th gen CPU වලට හරියන්නෙ නැහැ.
මේ සේරම විස්තර පදනම් වෙලා තියෙන්නෙ දැනට Leak වෙලා තියෙන දේවල් අනුවයි. ඉතින් මේ ගැන අලුත්ම තොරතුරු ආපු ගමන්ම අපේ website එකට දාන්නම්.